काठमाडौं । नेपाल बैंकर्स संघ (एनबीए) ले बैंक तथा वित्तीय क्षेत्रको विकास र प्रवद्र्धनमा उल्लेखनीय योगदान पुर्याएको भन्दै एभरेस्ट बैंकका अध्यक्ष बीके श्रेष्ठलाई सम्मान गरेको छ ।
संघको ३२औं वार्षिक साधारणसभामा अर्थमन्त्री युवराज खतिवडा, नेपाल राष्ट्र बैंकका गभर्नर चीरञ्जीवि नेपाल र संघका अध्यक्ष ज्ञानेन्द्रप्रसाद ढुंगानाले श्रेष्ठलाई कदरपत्रसहित सम्मान गरेका हुन् । 
सम्मानित श्रेष्ठले मुलुकको बैंकिङ क्षेत्रमा २६ वर्ष बिताइसकेका छन् । दुई दशकभन्दा बढी अवधिदेखि एभरेस्ट बैंकका अध्यक्ष रहँदै आएका श्रेष्ठ उक्त बैंकका प्रवद्र्धक–निर्देशक पनि हुन् ।