भारतलाई पुजराले जोगाए

भारतलाई पुजराले जोगाए

एजेन्सी ।अग्रपंक्तिका ब्याट्सम्यान सस्तैमा आउट भए पनि चेतेश्वर पुजराले शतक बनाएपछि भारत बिहीबार अस्ट्रेलियाविरुद्धको पहिलो टेस्टमा पहिलो दिन अलआउट हुनबाट जोगिएको छ ।

एडलेइड ओभलमा टस जितेर ब्याटिङ रोजेको भारत एक समय ४१–४ को अवस्थामा थियो । तर मध्यक्रमका पुजराले सम्हालिएर ब्याटिङ गर्दैं भ्रमणकारी भारतको इनिङ उकास्ने प्रयास गरे । पुजराले रोहित शर्मासँग पाँचौं विकेटका लागि ४५ तथा  रिसब पन्तसँग छैटौं विकेटका लागि ४१ रनको साझेदारी गरे । ७ चौका र २ छक्कासहित १ सय २३ रन जोड्दा रनआउट भएका पुजराले रविचन्द्र आश्विनसँग सातौं विकेटका लागि ६२ रनको साझेदारी गरेका थिए । 

एक इन्डमा पुजराले धैर्यता देखाए पनि अर्को इन्डमा केही सम्हालिन नसक्दा पहिलो दिन सकिँदा भारतले २ सय ५० रन बनाउँदा ९ विकेट गुमाइसकेको छ । भारतका पुजराले १ सय २३ रन जोड्नुबाहेक रोहित शर्माले ३७ तथा रिसब पन्त र आश्विनले समान २५ रनको स्कोर गरे । कप्तान विराट कोहली ३ रनमा पवेलियन फर्किदा ओपनर केएल राहुल २ तथा मुरली विजय ११ रन बनाएर आउट भए ।  

अस्ट्रेलियाका मिचेल स्टार्क, जोश हाजलेउड, पेट कुमिन्स र नाथन लियोनले समान २ विकेट लिए । 
 

प्रतिकृया दिनुहोस

सम्बन्धित समाचार

ad