काठमाडौं । सरकारले काठमाडौंको सैवुमा संघीयमन्त्रीहरूका लागि २७ वटा र मुख्यमन्त्रीहरूका लागि १४ वटा भवन बनाउने तयारी गरेको छ ।
गत सोमबार बसेको मन्त्रिपषिद् बैठकले सैवु भैसेपाटीस्थित सैवु आवास क्षेत्रमा सांसद आवासका लागि छुट्याइएको १४९ रोपनी जग्गामा राष्ट्रिय सभाका अध्यक्ष, उपाध्यक्ष, उपसभामुख र मन्त्रीहरूका लागि २७ वटा आवास भवनका साथै प्रदेश प्रमुख र मुख्यमन्त्री आवास/सम्पर्क कार्यालयका लागि १४ वटा भवन निर्माण गर्ने निर्णय गरेको हो ।
हाल ललितपुरको पूल्चोकस्थित हाल मन्त्री निवास रहको परिसरमा १० वटा राजकिय अतिथी गृह निर्माण गर्ने अपुग भएमा नेपाल राष्ट्रिय पुस्तकालय रहेको छेवैको सरकारी जग्गासमेत उपयोग गर्ने सरकारको तयारी छ । त्यस्तै महाकवि लक्ष्मीप्रसाद देवकोटाको आवासलाई देवकोटा संग्राहलय बनाउने मन्त्रिपािरषद् बैठकले निर्णय गरेको छ ।
यसअघि देवकोटा जयन्तिका दिन प्रधानमन्त्री केपी शर्मा ओलीले देवकोटाको डिल्लिबजारस्थित घरलाई संग्रहालय बनाउने बताएका थिए ।