काठमाडौं । सेयर बजारमा पुनः चमक देखिएको छ । बिहीबार करिब २३ अंकको गिरावटयता नेप्से परिसूचकमा बिहीबार २ दशमलव ७ अंकको सुधार देखिएको हो ।
साताको अन्तिम दिन बढेर बन्द हुनुअघि सेयर बजार १ हजार १ सय २० दशमलव ८४ अंकमा रोकियो । कारोबार सुरु भएको केही समय घटेको सेयर बजारले करिब ४५ मिनेट तीव्र सुधार गर्दै बढेको हो ।
दिनको अघिकांश समय नेप्से परिसूचकमा उल्लेख्य परिवर्तन देखिएको थिएन । नेप्से बढ्दा बिहीबार सेन्सिटिभ इन्डेक्स पनि शून्य दशमलव ५४ अंकले बढेर २ सय ३८ दशमलव ३३ अंकमा रोकियो ।
यसदिन बजारमा १ सय ६२ कम्पनीका १३ लाख ६४ हजार कित्ता सेयर किनबेच भए । दिनभरिको कारोबार रकम ३७ कराड ९ लाख रुपैयाँ रहेको छ ।
नेप्से बढ्दा यसदिन समूहगत उपसूचकमा जीवन बीमा समूह सबैभन्दा बढी ४४ दशमलव शून्य अंकले बढ्दा जीवन बीमा समूहमा ३५ दशमलव ५९ अंकको सुधार देखियो । बिहीबार सबैभन्दा बढी कारोबार एनएमबी बैंकको करिब साढे ४ करोड रुपैयाँको भएको थियो भने आईएमई जेनेरल लाइफको सेयर मूल्य सर्वाधिक प्रतिशतले बढ्यो कम्पनीको सेयरधनीले एकैदिन ७ दशमलव ३ प्रतिशत कमाउँदा कालिका लघुवित्तका लगानीकर्ताले सबैभन्दा बढी ७ दशमलव ४ प्रतिशत कमाए ।