काठमाडौं । ३ नम्बर प्रदेशले खाली मन्त्री पद पूर्ति गर्न सकेको छैन । १६ कात्तिकमा पदीय मर्दाया अनुकूल काम नगरेको र आफूसँग भनाभनमा उत्रिएको भन्दै मुख्यमन्त्री डोरमणि पौडेलले प्रदेश ३ को भौतिक पूर्वाधारमन्त्री रहेका उनलाई पदच्यूत गरेका थिए ।
हटाइएको एकमहिनासम्म पनि प्रदेश सरकारले मन्त्री छान्न नसकेको स्रोतले जनाएको छ ।
स्रोतका अनुसार मुख्यमन्त्रीले आफूनिकटका मानिसलाई मन्त्री बनाउन चाहेको, मन्त्री र प्रदेशसभा सदस्यहरूले उपत्यकाकै प्रतिनिधित्व गराउनुपर्ने आवाज उठाएपछि पौडेललाई मन्त्री छान्न सकस परेको हो ।
भर्खरै सत्तारूढ नेपाल कम्युनिस्ट पार्टी (नेकपा)को प्रदेश कमिटीले पूर्णता पाएकाले पार्टीको सुझावमा मुख्यमन्त्रीले रिक्त मन्त्री पूर्ति गर्ने स्रोतले जानकारी दिएको छ ।
पदीय मर्यादाअनुकूल काम नगरेको भनेर बर्खासीमा पर्ने स्थापित एक्ला होइनन ।
कात्तिक २९ गते सुदूरपश्चिम प्रदेशका सामाजिक विकास मन्त्रीपनि अश्लील हर्कत गरेको भन्दै पदबाट हटाइएका थिए । त्यही दिन प्रदेश सरकारले कृष्ण सुवेदीलाई सामाजिक विकासमन्त्री बनाइसकेको छ ।
यता प्रदेश ३ मा रिक्तमन्त्रीको दौडमा रामेश्वर फुयाल, नारायण सिलवाल, वसन्त मानन्धरलगायत प्रदेशसभा सदस्य रहेको स्रोतको दाबी छ ।