सांगीतिक समाजको अधिवेशन सम्पन्न

   सांगीतिक समाजको अधिवेशन सम्पन्न

भक्तपुर । सांगीतिक कर्ममा सक्रिय स्रष्टाहरुको सम्मान तथा एकल साँझ गर्नुका साथै सांगीतिक विकासका लागि विविध गतिविधिलाई तीब्रता दिने निर्णय गर्दै भक्तपुर सांगीतिक समाजको प्रथम अधिवेशन सम्पन्न भएको छ । 

कार्यक्रममा वरिष्ठ कवयित्री एवं गीतकार प्रतिसरा साय्मीले प्रत्येकलाई आफ्नो भाषाको साहित्य संगीतको माया लाग्छ भन्दै त्यसका लागि प्रयत्नशील हुनुपर्ने बताइन् ।   

वरिष्ठ कलाकार तथा नाट्यकर्मी हरिबहादुर थापाले रंगमञ्च र गीतसंगीत दर्शक श्रोतासित प्रत्यक्ष सम्पर्कमा जोडिने भएकाले यसको प्रभावकारीताका प्रयत्नशील रहनुपर्ने कुरा उठाए ।    

समाजका सल्लाहकार तथा वरिष्ठ कथाकार धु्रव मधिकर्मीले गीतसंगीतको लामो परम्परा रहेको भक्तपुरमा पछिल्लो समयमा देखिएको सांगीतिक सुस्ततामा भक्तपुर सांगीतिक समाजको स्थापनाले उर्जा थप्ने जनाए । 
कार्यक्रममा समाजका सचिव अल्बर्ट बज्राचार्य र कोषाध्यक्ष रोशन धौभडेलले सचिव र कोषाध्यक्षको प्रतिवेदन प्रस्तुत गरे ।  

समाजका अध्यक्ष प्रवीण शाहीको सभापतित्वमा भएको सो कार्यक्रममा वरिष्ठ गीतकार सुवासचन्द्र ढुंगेल, उपाध्यक्ष कपिल कसपाल, संगीतकार रोशनकुमार राजभण्डारी, गायिका मंगला सिन्ताकल र राजुराम मुनंकर्मीले पनि आफ्ना विचार राखे ।  
समाजले आउँदो पुसमा गायक दीपक खरेल एकल साँझको कार्यक्रम गर्ने भएको पनि जनाएको छ ।  

प्रतिकृया दिनुहोस

संबन्धित समाचार

   सांगीतिक समाजको अधिवेशन सम्पन्न

भक्तपुर । सांगीतिक कर्ममा सक्रिय स्रष्टाहरुको सम्मान तथा एकल साँझ गर्नुका साथै सांगीतिक विकासका लागि विविध गतिविधिलाई तीब्रता दिने निर्णय