काठमाडौं । ‘ए’ डिभिजन लिगमा आफुलाई उपाधि दाबेदार मानेको विभागीय टिम त्रिभुुवन आर्मी क्लबका प्रशिक्षक नविन न्यौपानेले सोमबार संकटा क्लबको अपराजित यात्रामा पूर्णविराम लगाउने बनाएका छन् ।
टिममा ठुला नाम भएका खेलाडी नभए पनि अनपेक्षीत नतिजा निकालेको संकटा लिगको दोस्रो स्थानमा छ । सतप्रतिशत नतिजा निकाल्न सफल संकटाले सोमबार एन्फा मुख्यालयको मैदानमा त्रिभुवन आर्मी क्लबसँग प्रतिस्पर्धा गर्नेछ ।
“संकटाविरुद्ध हामी सतप्रतिशत दिएर खेल्नेछौं । संकटा बलियो टोलीको रुपमा देखिए पनि सोमबार हामी तीन अंक लिनेछौं,” आर्मी क्लबका प्रशिक्षक न्यौपानेले भने “हामीले अझै आफ्नो वास्तविक लय समाउन सकेका छैनौं । अघिल्ला खेलमा केही समय टोली लय देखिए पनि पूरा ९० मिनेट कायम राख्न सकेका छैनौं । तर, हामी राम्रो गर्नेछौं ।”
राष्ट्रिय टोलीका स्टार खेलाडी भरत खवास, नवयुग श्रेष्ठ जस्ता खेलाडीले आर्मीको अग्रपंक्ति सम्हाले पनि आशातित गोल निकाल्न नसकेको प्रशिक्षक न्यौपानेले स्वीकारे । “स्टार खेलाडी भए पनि अपेक्षाअनुुरुप गोल गर्न सकेका छैनौं । गोलका अवसर सिर्जना भए पनि त्यसलाई फिनिसिङ गर्न सकेका छैनौं,” सोमबार नवयुग, जर्ज प्रिन्स कार्की र रक्षक सुमन अर्याल टोलीमा हुने छैनन् । त्यसबारे आर्मीका प्रशिक्षक न्यौपानेले भने, “उनीहरुको स्थानमा आउने खेलाडी पनि राम्रो छन् ।”
नवयुुग श्रेष्ठ घाइते छन् भने सुमन अर्यालले दुुई पहेलो कार्ड पाएका छन् । सेकेन्ड लेफ्टिनेन्ट भएका कारण जर्ज प्रिन्स आगामी खेलमा हुनेछैनन् । पहिलो खेलमा एनआरटीसँग २–२ को बराबरी खेलेको त्रिभुवन आमीले दोस्रो खेलमा च्यासलसँग १–० को संघर्षपूर्ण नतिजा निकालेको थियो । आर्मीले तेस्रो खेलमा पुलिस क्लबलाई १–० ले हराएको थियो ।
समान ९ अंक जोडेको मनाङ मस्र्याङदी र संकटा क्लब क्रमशः पहिलो र दोस्रो स्थानमा रहँदा समान ७ अंक जोडेको हिमालयन शेर्पा र त्रिभुवन आर्मी क्लब तस्रो र चौथो स्थानमा छ । तेस्रो खेलमा मनाङसँग २–१ ले पराजित थ्री स्टार ६ अंकका साथ चौथो स्थानमा छ ।
पहिलो खेलमा सरस्वती युथ क्लबलाई १–० हराएको संकटाले दोस्रो खेलमा जावलाखेल युथ क्लबमाथि २–० को नतिजा निकालेको थियो । लगातार तेस्रो जित निकाल्नेक्रममा संकटाले मछिन्द्र क्लबलाई २–० हरायो । संकटाका प्रशिक्षक सल्यान खड्गीले तीन खेलसम्मको पराजित यात्रालाई सोमबार पनि कायम राख्ने बताएका छन् ।
“आर्मीविरुद्ध खेल्नका लागि हामी तयार छौं । हाम्रो तयारी पनि राम्रो छ । हाम्रो लक्ष्य शीर्ष पाँचमा रहने हो । त्यसैअनुसार अघि बढीरहेका छौं । हाम्रा लागि अबका सबै खेल चुुनौतीपूर्ण छ,” संकटाका प्रशिक्षक खड्गीले भने, “आर्मीमा केही खेलाडी नभए पनि हामीलाई फाइदा हुुन्छ नै भन्ने छैन । सबै टिमा सबै खलाडीको विकप्ल हुन्छ । त्यसैले आर्मीसँग पनि अरु विकल्प छन् ।”