राजनीति
काठमाडौं । प्रधानमन्त्री केपी शर्मा ओलीले धमिलिएको पानीमा माछा मार्न खोज्नेहरु सल्वलाइरहेको टिप्पणी गरेका छन् । उनले यस्तो अवस्थामा संक्रिर्ण स्वार्थका लागि दुरगामी असर पर्ने र मुलुक अन्त्यहीन खतरातर्फ धकेलिने चेतावनी दिए ।
सरकार बिरुद्ध संसदमा दर्ता भएको अविश्वासको प्रस्ताव माथि सासंसदहरुले उठाएको प्रश्नको जवाफ दिदै प्रधानमन्त्री ओलीले भने, “महाभारतमा खास परिस्थितिमा चक्रव्युहको चर्चा चल्यो । अर्जुनको छोरालाई नियम र विधि मिचेर आक्रमण गरेका थिए । आज त्यस्तै खालको प्रयास भएको छ ।” उनले अगाडि भने, “त्यो त द्धापर युग थियो । तर आज न द्धापर युग छ न आजको अभिमन्यु त्यति कमजोर छ ।”
५२ साल अहिलेभन्दा २१ वर्ष अघि यस्तै बर्षायाम नै थियो । मनमोहन अधिकारी नेतृत्वको सरकारलाई बजेट पनि प्रस्तुत हुन नदिने राजनीतिक चक्रव्यूह बनेको थियो ।
हेलिकप्टर दुर्घटनामा खसेका प्रधानमन्त्रीलाई संसदमा उपस्थित भएर आफ्ना कुरा राख्नै मौका दिइएको थिएन ।
त्यो सरकारले बुढा बुढीको मुहारमा मुस्कान ल्याएको थियो । गल्ती त्यही थियो । सधैंभरी नहेरिएका गाउँ हेरिएको थियो, गल्ती त्यही थियो ।
उनले भने, “मेरा लागि अविश्वास प्रस्ताव सामान्य र स्वभाविक कुरा हो । तर समय परिस्थिति र उद्देश्यका हिसावले लोकलाई थाहा छ । यसमा म गइरहन आवश्यक देख्दिन । कपडा काट्न भन्दा पहिले १० पल्ट सोंच्नुपर्छ । ताकि कैँची चलाएपछि सोच्न नपरोस् ।”
प्रकाशित मिति: आइतबार, साउन ९, २०७३ १७:४९
प्रतिक्रिया दिनुहोस्