काठमाडौं । गायक अर्जुन सुनामले एक साँझ गर्ने भएका छन् । सत्यावती कलाकेन्द्रको आयोजनामा मंसिर ८ गते उनले ‘अर्जुन सुनाम सुमधुर साँझ’ गर्न लागेका हुन् ।
उक्त साँझबाट उठेको रकमको केही प्रतिशत रक्तक्यान्सर पीडित पूर्णकुमार श्रेष्ठलाई प्रदान गरिने गायक अर्जुनले बताए ।
जमलस्थित राष्ट्रिय नाचघरमा हुने एकल साँझमा उनले आफ्ना एक दर्जन गीत गाउने छन् ।
अर्जुनको एकल साँझमा संगीता राना, रिमा गुरुङ होडा, बीबी अनुरागी, शर्मिला गुरुङ, टीका पुन, चन्दा विश्वकर्मा, जुनु रिजाल लगायतले साथ दिनेछन् ।
‘सुर्खेतको बुलबुले ताल’ गीतबाट लोकप्रिय भएका अर्जुन सुनाम १५ वर्ष देखि नेपाली सांगीतिक क्षेत्रमा सकृय छन् ।
“सकेसम्म धेरै उठाएर सहयोग गर्न सकौं भन्ने हाम्रो योजना हो,” गायक अर्जुनले भने, “१२ लाख रुपैयाँ उठाएर कार्यक्रम खर्च कटाएर विरामीलाई सहयोग गर्ने हाम्रो योजना छ ।”