बीबीसी । भारतीय अन्तरिक्ष अनुसन्धान संगठन (इसरो) ले बुधवार दोहोरो सफलता हासिल गरेको छ । आन्ध्र प्रदेशको श्रीहरिकोटाले आफ्नो सबैभन्दा ठूलो कम्युनिकेशन स्याटेलाइट जीसेट–२९ र त्यसलाई लैजाने रकेट जीएसएलवी मार्क ३ डी २ को सफल प्रक्षेपण गरेको छ । 

जीएसएलवी मार्क ३ डी २ रकेटले बुधवार बेलुकी ५ बजेर ८ मिनेटमा ३४२३ किलोग्राम जीसेट–२९ स्याटेलाइट बोकेर उडान भरेर १७ मिनेटमा निश्चित अर्बिटमा स्थापित गरेको छ । 

विज्ञान मामिलाका जानकार पल्लव बागलाले जीएसएलवी मार्क ३ डी २ लाई उसको शक्तिशाली क्षमताका कारण ‘बाहुबली’ को संज्ञा दिएका छन् । उनले बीबीसीसँगको कुराकानीमा यो सफल प्रक्षेपणसँगै भारतले अन्तरिक्षको संसारमा निकट भविष्यको आफ्नो सबैभन्दा ठूलो लक्ष्यको एउटा अहम चरण पुरा गरिसकेको बताएका छन् । 

पल्लव बागलाका अनुसार भारतीय मिसनले कुनै भारतीय नागरिकलाई यसै जीएसएलवी मार्क ३ डी २ रकेटमार्फत अन्तरिक्षमा पठाइने भएको छ । यसअघि मिसनले सन् २०२२ अगावै ‘गगनयान’ मार्फत कुनै भारतीयलाई अन्तरिक्षमा पठाउन चाहेको थियो । 
बीबीसीबाट