site stats
बाह्रखरी :: Baahrakhari
विदेश
Nabil BankNabil Bank
Sarbottam CementSarbottam Cement
Ghorahi CementGhorahi Cement

वासिङ्टन । अमेरिकी राष्ट्रपति डोनाल्ड ट्रम्पले महान्यायाधिवक्तालाई हटाएको प्रति विपक्षी पार्टीले आपत्ति जनाएको छ । राष्ट्रपति ट्रम्पले महान्यायाधिवक्ता जेफ सेसन्सलाई पदबाट हटाएपछि आफ्नो कमजोरी लुकाउन तथा मनपरी गर्न ट्रम्पले महान्यायाधिवक्तालाई हटाएको विपक्षी डेमोक्र्याट पार्टीको आरोप छ । 

डेमोक्र्याट पार्टीबाट सिनेटमा प्रतिनिधित्व गर्ने नेता चक स्कमरले ट्वीट गर्दै लेखेका छन्, “स्पष्टरूपमा राष्ट्रपतिले लुकाउनुपर्ने केही कुरा हुनुपर्छ ।“ 

ट्रम्प निर्वाचित भएको राष्ट्रपतिय निर्वाचनमा रुसी हस्तक्षेपसम्बन्धी अनुसन्धानमा आफ्नो अनुकुल हुन वाधा पुर्याउने आशंकामा महान्यायाधिवक्तालाई हटाइएको आरोप धेरैले लगाएका छन् । 

Agni Group

अमेरिकी अनुसन्धानबाट सन् २०१७ को मार्चमा सेसन्स अलग भएदेखि ट्रम्पले उनको आलोचना गर्दै आएका थिए ।  

सेसन्ससँग असन्तुष्ट र त्रसित ट्रम्पले उनलाई जवरजस्ती राजिनामा गर्न लगाएको समाचारमा जनाइएको छ । 

Global Ime bank

राजीनामापत्रमा सेसन्सले महान्यायाधिवक्ता पद छाड्ने निर्णय आफ्नो नभएको स्पष्ट पारेका छन् । आफ्नो राजीनामापत्रमा सेसन्सले लेखेका छन्, “प्रिय राष्ट्रपति महोदय, तपाईँको आग्रहमा म आफ्नो पदबाट राजीनामा दिँदैछु ।” 

मिति उल्लेख नभएको राजिनामा पत्रमा उनले सेवा गर्ने मौका दिएकोमा ट्रम्पलाई धन्यवाद दिन चाहेको उल्लेख गरेका छन् ।  

उनले लेखेका छन्, “सबैभन्दा महत्तवपूर्ण कुरा म महान्यायाधिवक्ता पदमा रहँदा हामीले विधिको शासन पुनःस्थापित गर्न सक्यौँ र त्यसलाई कायम गर्न सक्यौँ । ” 

सेसन्सले राजिनामा दिएपछि उनलाई राष्ट्रपति ट्रम्पले धन्यवाद दिएका छन् । उनले ट्वीटरमा लेख्नु भएको छ, “हामी महान्यायाधिवक्ता जेफ सेसन्सलाई धन्यवाद दिन चाहन्छौँ र उहाँको आगामी दिन अझ राम्रो होओस् भन्ने कामना गर्दछौँ।” 

सेसन्सको ठाउँमा तत्कालका लागि उनका वरिष्ठ सहयोगी ’चिफ अफ स्टाफ’ म्याथ्यु ह्वीटेकरलाई जिम्मेवारी दिइएको छ । 

सन् २०१६ को अमेरिकाको राष्ट्रपतीय चुनावमा रुसको हस्तक्षेपबारेको अनुसन्धानको ह्वीटेकरले आलोचना गर्दै आएका छन् । रासस\\एएफपी

NIBLNIBL
प्रकाशित मिति: बिहीबार, कात्तिक २२, २०७५  २३:००
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC