Skip Advt.

खेल

क्रिकेट अभ्यास क्याम्प पोखरामा गर्ने योजना

क्रिकेट अभ्यास क्याम्प पोखरामा गर्ने योजना

पोखरा । नेपाली राष्ट्रिय क्रिकेट टोलीको ‘आईसीसी ट्वान्टी—ट्वान्टी विश्व कप–२०२०’ एसिया छनोट समूह बि को दोस्रो राउण्डको अभ्यासका लागि राष्ट्रिय टोलीको अभ्यास खेल पोखरामा गर्ने तयारी गरिएको छ । 

पोखरा रंगशालामा रहेको क्रिकेट मैदान अन्तर्राष्ट्रिय स्तरको बनाउने चर्चा भइरहँदा रष्ट्रिय क्रिकेट टोलीका कप्तान पारस खड्का र प्रशिक्षक जगत टमटाले अबको पहिलो क्याम्प पोखरामा गर्न आईसीसीलाई प्रस्ताव राख्ने बताए ।

“यहाँ जुन विकेट र आउट फिल्ड छ त्यसैले यहाँ अभ्यास गर्ने वातावरण राम्रो छ । कन्डिस्नल फिटनेशको कुरा पनि यहाँ उपलब्ध छ,” प्रशिक्षक टमटाले भने “क्याम्प सम्भवतः जनवरी अथवा फेब्रुअरीमा हुन्छ । त्यसका लागि हामीले पोखरामा क्याम्प राख्नेबारे प्रस्ताव आईसीसीमा राख्ने योजना बनाएका छौं ।”

प्रशिक्षक टमटाले अहिलेको मैदानको अवस्था यस्तै रहे पोखरामा अभ्यास गर्न समस्या नहरेको बताए । उनले  टेन्ट राखेर अभ्यास खेल खेल्न सकिने बताए ।  ड्रेसिङ रुम बनाइदिएको अवस्थामा अझै सहज हुने उनको भनाइ छ । 

पोखराको पिचको प्रशंसा गर्दै उनले भने “खेलाडीका लागि सबैभन्दा महत्वपूर्ण कुरा पिच हो । त्यो यहाँ राम्रो छ । त्यसले हामीलाई यहाँ अभ्यास गर्न सहज पनि हुुनेछ ।” 
ब्याटिङ फेवर रहेको पोखरा रंगशालामा अभ्यास गर्न पाए नेपालको ब्याटिङ सुध्रिने खेलाडीहरुको अपेक्षा छ । 
 

तपाईंको मत