अर्थ व्यवसाय
काठमाडौं । सरकारले व्यवसायी सुरज वैद्यलाई नेपाल भ्रमण वर्ष २०२० कार्यक्रम कार्यान्वयन उपसमितिको उपाध्यक्ष तथा राष्ट्रिय कार्यक्रम संयोजक नियुक्त गरेको छ । संस्कृति पर्यटन तथा नागरिक उड्डयन मन्त्री रवीन्द्र अधिकारी सम्मिलित मन्त्रिस्तरीय वैठकले वैद्यलाई संयोजक नियुक्त गरेको हो ।
वैद्य ३ वर्षका लागि उपसमितिको उपाध्यक्ष तथा राष्ट्रिय कार्यक्रमको संयोजक रहनेछन् । वैद्य नेपाल उद्योग वाणिज्य महासंघका पूर्वअध्यक्ष हुन् । सरकारले सन् २०२० मा २० लाख पर्यटन नेपाल भित्र्याउने लक्ष्य राखेको छ ।
प्रकाशित मिति: शुक्रबार, कात्तिक १६, २०७५ १४:२९
प्रतिक्रिया दिनुहोस्