काठमाडौं । भक्तपुरको सूर्यविनायकमा टिपरले मोटरसाइकललाई ठक्कर दिएपछि स्थिति तनावग्रस्त बनेको छ । बा ४ ख् ३६५० नम्बरको टिपरले बा ८८ प ८५२ नम्बरको मोटरसाइकललाई ठक्कर दिएको थियो ।
मोटरसाइकलमा दुईजना रहको भए पनि उनीहरुको अवस्था कस्तो छ भन्ने जानकारी प्राप्त भएको छैन ।
तर ठक्कर दिएको टिपरमा स्थानीयले आगजनी गरेका छन् । टिपरमा आगजनी भएपछि प्रहरीले लाठी प्रहार गरेको थियो भने कैयौं सेल अश्रुग्यास पनि प्रहार भएको छ । भक्तपुरका एसपी हिमालय श्रेष्ठका अनुसार अहिले त्यसक्षेत्रको अवस्था तनावपूर्ण रहेको छ । काठमाडौं उपत्यकामा बेलुका ८ बजेदेखि बिहान ५ बजेसम्म टिपर चलाउने पाइने भएपनि भक्तपुर जिल्ला प्रशासन कार्यालय ४ दिन अघि निर्णय गर्दै सल्लाघारीसम्म आएर रोकिन सक्ने निर्णय गरेको थियो । यता काठमाडौं जिल्ला प्रशासन कार्यालयले पनि टिपरको समय परिवर्तन गर्दै बेलुका ७ बजेदेखि बिहान ७ बजेसम्म चल्न पाउने निर्णय गरेको थियो ।