अर्थ व्यवसाय
काठमाडौं । सरकारले प्रस्तुत गरेको चालु आर्थिक वर्ष ०७३/०७४ बजेटले प्रतिव्यक्ति १० हजार रुपैयाँ ऋण थप्ने भएको छ ।
चालु आवमा आर्थिक विद्येयक माथि छलफलका क्रममा पूर्वअर्थमन्त्री तथा नेपाली काग्रेसका नेता डा. रामशरण महतले थप २ खर्ब ६३ अर्ब रुपैयाँको ऋण प्रस्ताव गरेकाले प्रत्येक नेपालीको टाउकोमा थप १० हजार रुपैयाँ थपिने दाबी गरे । हाल देशको कुल ऋण ५ खर्ब ६९ अर्ब रहदा प्रतिव्यक्ति ऋण २१ हजारमा रहेकोमा थप २ खर्ब ६३ अर्ब रुपैयाँ लिदा ३१ हजार रुपैयाँ पुग्ने उनले जिकिर गरे । कुल ऋणको ५० प्रतिशत ऋण लिने प्रस्ताव गरेकाले प्रतिव्यक्ति ऋण भार बढ्ने डा. महतको भनाइ छ ।
राज्यको ढिकुटीमा अझै १ खर्ब ५० अर्ब रुपैयाँ बढी मौज्दात रहेकाले सरकारले प्रस्ताव गरेको १ खर्ब ११ अर्ब आन्तरिक ऋण आवश्यक नभएको डा. महतको जिकिर छ । पञ्चालयतकाल देखिको ऋण तिर्न बाँकी रहेको अवस्थामा वर्तमान सरकारले ऋण बढाएको उनको तर्क छ । “आवश्यकता नहुँदा नहुँदै सरकारले ऋण लिने प्रस्ताव गरेको छ”, उनले भने, “मौज्दात रकम परिचालन गरे हुन्छ त्यसैले ऋण लिनु आवश्यक छैन । सरकारले चालु आवामा आम्दानीको स्रोत अनुमान सही रुपमा गरेको छ भने ऋण लिन आवश्यक छैन” उनले भने ।
प्रकाशित मिति: शुक्रबार, साउन ७, २०७३ १८:४६
प्रतिक्रिया दिनुहोस्