विदेश
नयाँ दिल्ली। भारतीय वायु सेनाको एक विमान शुत्रबार वेपत्ता भएको समाचार छ । उक्त विमानमा २९ जना सवार रहेका र बङ्गालको खाडीमा विमान वेपत्ता भएको अनुमान गरिएको छ ।
विमान आन्डमान र निकोबार द्विपको राजधानी पोर्ट व्लेयरतर्फ गइरेहको वायु सेनाका प्रवक्ताले एएफपी समाचार समितिलाई जानकारी दिएका छन् । विमानको खोजी कार्य जारी रहेको बताइएको छ ।
स्थानीय समयानुसार शुक्रबार विहान ८ः३० मा उडेको यो विमान पोर्ट ब्लेयरमा ११ः३० मा अवतरण हुने समयतालिका रहेको थियो ।
यस विमानमा ६ जना चालक दलका सदस्यसहित २९ व्यक्ति सवार रहेको जनाइएको छ ।
भारतीय सहर चेन्नाइबाट उडेको १५ मिनेटपछाडि सो विमान वेपत्ता भएको बताइएको छ । गत वर्ष पनि चेन्नाई भारतीय तटीय गार्डको विमान दुर्घटना हुदाँ विमानमा रहेका तीन व्यक्तिको मृत्यु भएको थियो । रासस ÷एएफपी
प्रकाशित मिति: शुक्रबार, साउन ७, २०७३ १७:०६
प्रतिक्रिया दिनुहोस्