एजेन्सी, रुसी ट्रयाक एन्ड फिल्ड खेलाडीलाई रियो ओलम्पिक २०१६ मा सहभागी हुनबाट लगाइएको प्रतिबन्ध कोर्ट अफ आर्बिट्रेसन फर स्पोर्ट (कास) ले कायमै राखेको छ । रुसमाथि राज्य प्रायोजनमा डपिङ गरेको आरोप लाग्दै आएको थियो ।

स्वतन्त्र प्रतिवेदनले व्यापक डपिङ भएको प्रमाण फेला पारेपछि खेलकुदको विश्व शासकीय निकाय आइएएएफल रुसी एथलेटिक्स फेडेरेसनलाई निलम्वन गरेको थियो ।

रुसी ओलम्पिक कमिटी र ६८ खेलाडीले निर्णयको विरूद्धमा अपिल गरेका छन् । तर दुवै पक्षबाट प्रमाण फेला परेपछि प्रतिबन्ध कायमै राख्ने निर्णय गरिएको हो ।

राज्य प्रायोजनको डपिङको दोस्रो प्रतिवेदन सार्वजनिक भएपछि अन्तर्राष्ट्रिय ओलम्पिक कमिटीले पनि रुसी खेलाडीलाई ओलम्पिक खेलमा प्रतिबन्ध लगाउन आग्रह गरेको छ ।

कास समूहले रुसी ओलम्पिक कमिटीले रियो २०१६ ओलम्पिक खेलमा प्रतिस्पर्धा गर्नका लागि रुसी ट्रयाक एन्ड फिल्ड खेलाडीको मनोनायन नगर्न आग्रह गरेको छ ।