राजनीति
काठमाडौं ।
नेपाली कांग्रेसका सांसद् गगन थापाले डा. गोविन्द केसीले उठाएका मागका बारेमा छलफल गराउन माग गर्दै व्यवस्थापिका–संसद्मा जरुरी सार्वजनिक महत्वको प्रस्ताव दर्ता गराएका छन् ।
थापा प्रस्तावक तथा धनराज गुरुङ र श्याम श्रेष्ठ समर्थक रहेको जरुरी सार्वजनिक महत्वको प्रस्ताव दर्ता भएको हो । थापाले संसद्को पूर्ण बैठकमा यसअघि दर्ता भएका जरुरी सार्वजनिक महत्वको प्रस्तावमाथि छलफल नभएकाले यसमा पनि आशंका भएको भन्दै सुशासन समितिमा पनि निवेदन दिएका छन् ।
उनले सुशासन समितिसमक्ष गोविन्द केसीले उठाएका मागमा छलफल चलाउन माग गरेका छन् । “अख्तियारमाथिको आरोप अन्य ठाउँमा छलफल हुनै सक्दैन,” थापाले बाह्रखरीसँग भने,“त्यसैले गोविन्द केसीको मागमा संसद् मौन बस्न मिल्दैन ।”
उनले पत्रपत्रिकामा समाचार आएको विषयमा छलफल हुने समिति र संसद्मा यति ठुलो विषयमा छलफल हुन नसक्नु दुखद भएको बताए ।
प्रकाशित मिति: बिहीबार, साउन ६, २०७३ १५:००
प्रतिक्रिया दिनुहोस्