अर्थ व्यवसाय
काठमाडौं ।नेपाल चीन गैर सरकारी सहयोग मञ्चको तेह्रौं बैठक चीनको यू चोङको झोङ क्योङ शहरमा सम्पन्न भएको छ ।
अखिल चीन उद्योग वाणिज्य महासंघ को आयोजनामा भएको उक्त बैठकमा भाग लिन नेपाल उद्योग वाणिज्य महासंघका अध्यक्ष पशुपति मुरारकाको नेतृत्वमा महासंघको प्रतिनिधिमण्डल अहिले त्यहँँ थियो ।
बैठकमा नेपाल चीनबीच आर्थिक व्यावसायिक सम्बन्ध विस्तारका माध्यमबाट आपसी लाभका क्षेत्रमा अझ बढी सहकार्यको आवश्यकतामा जोड दिइयो । विभिन्न क्षेत्रमा आपसी सहकार्य गर्ने उद्देश्यले तीन वटा सहमतिपत्रमा हस्ताक्षर समेत भयो ।
जस अन्तरगत त्रिपक्षिय रणनीतिक साझेदारी सम्बन्ध, नेपाल उद्योग वाणिज्य महासंघ, चाइना चेम्वर अफ टुरिजम र ग्लोवल टुरिजम इकोनोमी रिसर्च सेन्टरबीच सम्झौता भयो ।
सम्झौतापत्रमा महासंघका अध्यक्ष पशुपति मुरारका, चाइना चेम्वर अफ टुरिजमका अध्यक्ष वाङ पिङ र ग्लोवल टुरिजम इकोनोमी रिसर्च सेन्टरका कार्यकारि निर्देशक जाओसन वाङले हस्ताक्षर गरेका हुन ।
त्यसैगरी नेपाल–चीन सांस्कृतिक आदान प्रदान सम्बन्धमा सहकार्य गर्न सहमतिपत्रमा हस्ताक्षर भयो । सहमतीपत्रमा नेपाल साइक्लिङ एशोसिएसनका तर्फबाट प्रथम उपाध्यक्ष गोपाल सुन्दरलाल कक्षपति र चाइना चेम्वर अफ टुरिजमका उपाध्यक्ष नीमा झाचीले हस्ताक्षर गरे ।
त्यसैगरी निर्माण सम्बन्धी सामग्रीहरुका क्षेत्रमा सहकार्य गर्ने उद्देश्यले दजु लोजिष्टिक्स चेम्वर र नेपाल उद्योग वाणिज्य महासंघबीच एक रणनीतिक साझेदारी सम्बन्धी सम्झौतामा हस्ताक्षर भयो । सम्झौैतापत्रमा महासंघका उपाध्यक्ष शेखर गोल्छा र दजु लोजिष्टिक्स चेम्वरका उपाध्यक्ष ली. चीङले हस्ताक्षर गरे ।
पर्यटन व्यवसाय, नविनतम उर्जा र हार्डवेयर तथा निर्माण सामग्री सम्बन्धी दुवै देशका व्यवसायीहरु बीच छुटछुट्टै छलफल तथा आपसी व्यवसायिक भेटवार्ता समेत भयो ।
प्रकाशित मिति: बुधबार, साउन ५, २०७३ १५:१८
प्रतिक्रिया दिनुहोस्