काठमाडौं

सामसुङले नेपाली बजारमा नयाँ स्मार्टफोन सार्वजनिक गरेको छ । कम्पनीले टर्बो स्पिड टेक्नोलोजी र स्मार्ट ग्लो प्रविधि सहित उपभोक्ताका लागि ग्यालेक्सी जे टू स्मार्टफोन सार्वजनिक गरेको हो । यी प्रविधि पहिलो पटक सामसुङले नै स्मार्टफोनमा प्रयोग गरेको कम्पनीको दावी छ । 

सन् २०१५ मा सार्वजनिक गरिएको ग्यालेक्सी जेटू कै परिस्कृत भर्जनका रुपमा कम्पनीले ग्यालेक्सी जेटू २०१६ सार्वजनिक गरेको हो । यो स्मार्टफोन अहिलेपनि नेपाली बजारमा उत्तिकै लोकप्रिय रहेको छ । नयाँ फोन समासुङका फोरजी सपोर्ट गर्ने स्मार्टफोनको पोर्टफोलियोमा समेत नयाँ मोबाइलका रुपमा सार्वजनिक गरिएको हो । 

कम्पनीका अनुसार ग्यालेक्सी जेटू २०१६ लाई उपभोक्ताको सहजतालाई दृष्टिगत गर्दै रि–इञ्जिनियर्ड, रि–डिजाइन्ड र टर्बो स्पिड टेक्नोलोजी (टीएसटी) र स्मार्ट ग्लो लगायत नयाँ फिचर्सका साथ रिलोडेड गरिएको छ । यसमा रहेको टर्बो स्पिड प्रविधिले स्मार्टफोनको प्रयोगकर्तालाई तिब्र गति तथा कार्य क्षमता सहितको उत्कृष्ट अनुभव प्रदान गर्छ  । कम्पनीका अनुसार यो प्रविधिले दोब्बर ¥याम सहितका स्मार्टफोनका तुलनामा साधारणतया एप लोड हुन लाग्ने समयलाई झण्डै ४० प्रतिशतसम्म कम समयमा लोड गर्न सहयोग पु¥याउँछ । त्यसैगरी स्मार्ट ग्लो नयाँ पुस्ताको एलईडी नोटिफिकेसन प्रणाली हो ।

यसले सञ्चालन प्रणाली (ओएस) र हार्डवेयरको अप्टिमाइजेशन (अनुकुलन) गरी ‘बेष्ट इन क्लास’ कार्यक्षमताको प्रदर्शन गर्छ । सामसुङ ग्यालेक्सी जेटू २०१६मा स्मार्ट ग्लो नोटिफिकेशन प्रणालीपनि सम्मिलित छ । कार्यगत हिसाबमा उपलब्ध गराउने सहजताका साथै यसले उपकरणको डिजाइनमा समेत नयाँपन दिएको सामसुङ नेपालको एचएचपी विभागका प्रमुख प्रणय रत्न स्थापितले भने ।