विदेश
एजेन्सी ।
ताइवानको बस दुर्घटनामा कम्तीमा पनि २६ जनाको ज्यान गएको छ । तायोयुआन अन्तर्राष्ट्रिय विमानस्थलनजिकै राजमार्गको रेलिङमा बस ठोक्किएपछि लागेको आगोमा उक्त हताहती भएको हो ।
मृत्यु हुनेहरूमा तीन बालबालिकालगायत चीनबाट आएका २४ पर्यटक छन् । ताइवानी टुर गाइड र बस चालकको पनि मृत्यु भएको छ । स्थानीय समयअनुसार एक बजेको आसपासमा दुर्घटना भएको थियो । पर्यटकहरू घर फर्किन विमानस्थल जाने क्रममा दुर्घटना भएको थियो । तायोयुआन सहरको अग्नि विभागले आगो नियन्त्रणका लागि २३ सवारी र ६० अग्नि नियन्त्रकलाई खटाएको थियो । आगो नियन्त्रणमा आएपछि मृत शरीरको संख्या पत्ता लागेको थियो ।
पर्यटकहरू चीनको डालियन सहरका भएको पर्यटन विभागले जनाएको छ ।
प्रकाशित मिति: मंगलबार, साउन ४, २०७३ १४:३९
प्रतिक्रिया दिनुहोस्