साहित्य
वार्षिक कमाइ ६ करोड ४५ लाख डलर
यो वर्ष विश्वकै बढी कमाउने अभिनेतामा ‘द रक’ उपनामले चिनिएका ड्वेन जोन्सन परेका छन् । विश्व प्रसिद्ध आर्थिक पत्रिका फोब्र्सले सार्वजनिक गरेको सूचीमा अभिनेतातर्फ उनी पहिलो नम्बरमा परेका हुन् । जोन्सन अमेरिका र क्यानडाका नागरिक हुन् ।
तर, समग्र सेलेब्रिटीको सूचीमा भने उनी १९ औं नम्बरमा परेका छन् । उनको वार्षिक कमाइ ६ करोड ४५ लाख अमेरिकी डलर छ । समग्र सूचीको पहिलो स्थानमा भने गायिका टेलर स्वीफ्ट परेकी छिन् । उनको वार्षिक कमाइ १७ करोड अमेरिकी डलर छ ।
सूची सार्वजनिक भएपछि खुसी व्यक्त गर्दै जोन्सनले आगामी दिनमा थप मेहनतका साथ काम गर्न प्रेरित गरेको प्रतिक्रिया दिएका छन् । उनले पहिलो पटक २००२ मा द स्कोर्पियन किङमा अभिनय गरेका थिए । एजेन्सी
प्रकाशित मिति: मंगलबार, साउन ४, २०७३ १०:२९
प्रतिक्रिया दिनुहोस्