अर्थ व्यवसाय
काठमाडाैं ।
सरकारले चालु आर्थिक वर्षदेखि कार्यसम्पादन गरेर मात्र विभिन्न निकायमा कर्मचारी खटाउने भएको छ ।
मुख्यसचि डा. सोमलाल सुवेदीको अध्यक्षतामा सोमबार बसेको सचिवहरुको बैठकले सरकारको नीति तथा कार्यक्रम तथा वार्षिक वजेट कार्यन्वयनलाई अझ प्रभावकारी बनाउन कर्मचारीसंग करार सम्झौता गर्ने निर्णय गरेको हो । साउनभित्र सबै आयोजना तथा विभिन्न निकायमा खटिने कर्मचारीलाई एक वर्षको करार सम्झौता गर्ने र सो अवधिसम्म सरुवा नगर्ने निर्णय सचिव बैठकले गरेको छ ।
करार सम्झौता नगर्दा आयोजनाको काम प्रभावकारी रुपमा अघि बढ्न नसकेको, वजेट खर्च नहुदा लक्षित उपलब्धि हासिल हुननसकेको ठहर गर्दे सरकारले चालु आर्थिक वर्षको वजेटमा कार्यन्वयन पक्षलाई प्रभावकारी बनाउन आयोजना प्रमुख तथा वजेट कार्यान्वयन निकाय प्रमुखसंग करार सम्झौता गर्ने घोषणा अनुसार यस्तो निर्णय भएको हो । करार सम्झौता गरेर खटिने कर्मचारीको प्रगतिको मूल्याँकन गरी सोही अनुसार थप सुविधा र कार्वाहीको व्यवस्था गरिने भएको छ ।
प्रकाशित मिति: सोमबार, साउन ३, २०७३ २१:५५
प्रतिक्रिया दिनुहोस्