बालबालिका विचल्ली बनाउने चिनीमाया पक्राउ

काठमाडौं । चौध अनाथ बालबालिका पढाइदिने भन्दै बिचल्ली बनाउने धनकुटाकी चिनीमाया ब्लोनलाई प्रहरीले पक्राउ गरेको छ । ब्लोनलाई प्रहरीले पक्राउ गरी मानव बेचविखन तथा ओसार पसारको अभियोगमा मुद्दा चलाएको छ । 

 

उनले मापदण्ड विपरित अनाथ आश्रम सञ्चालन गरेको प्रहरीले जनाएको छ । ब्लोनले गरिब तथा असहाय बालबालिकालाई पढाइदिने भन्दै विभिन्न जिल्लाबाट बटुलेर जवरजस्ती धर्म परिर्वतन गर्न लगाएको समेत भेटिएको प्रहरीले जनाएको छ ।

 

६१ वर्षीया ब्लोनले ६ वर्षदेखि धनकुटामा ‘माया’ नामक अनाथ आश्रम खोलेर जाजरकोट, रुकुम, तेह्रथुम र धनकुटाका बालबालिका जम्मा गरेको र पढाइदिने भन्दै धर्म परिवर्तन गर्न लगाउने रहस्य खुलेको प्रहरीले जनाएको छ ।

 

ब्लोलले सञ्चालन गर्दै आएको अनाथ आश्रम अवैध भन्दै जिल्ला प्रशासन कार्यालय, जिल्ला बालकल्याण समिति लगायतले बन्द गर्न सुझाव दिएका थिए ।

 

“प्रहरी, प्रशासन कार्यालय र बालकल्याण समितिले जति भने पनि उनले मानिनन्,” महानगरीय प्रहरी परिसर ललितपुरका प्रमुख एसएसपी पिताम्बर अधिकारीले बाह्रखरीसँग भने,“अनाथ आश्रम बन्द गरेर त्यहाँ भएका बालबालिका परिवारको जिम्मा लगाउ भन्दा उनी १४ बालबालिका लिएर फरार भइन् ।”

 

धनकुटाबाट ९ बालक र ५ जना बालिकासहित काठमाडौं आएकी ब्लोनलाई प्रहरीले शंखमुलबाट पक्राउ गरेको हो । शंखमुलको साल्बेसन चर्चबाट पक्राउ गरेको प्रहरीले जनाएको छ । 

 

४ देखि १४ वर्षसम्मका बालबालिकालाई जबरजस्ती धर्म परिवर्तन गराउने प्रयास भएको पनि प्रहरीले जनाएको छ । ब्लोनले आफूले हुर्काएका बालबालिका खोसिने डरले काठमाडौं ल्याएको बताएकी छन्  ।

 

ब्लोनले धनकुटाबाट ल्याएका १४ जना बालबालिकालाई अवैध रुपमा चर्चमा राखेर जबरजस्ती धर्म परिर्वतन गर्न लगाएको भेटिएपछि प्रहरीले र्चचका पास्टर ३६ वर्षीय हरिलाल तामाङलाई पनि पक्राउ गरी अनुसन्धान थालेको एसएसपी अधिकारीले बताए ।

 

प्रतिकृया दिनुहोस

डिल्ली पाण्डे

संबन्धित समाचार

घुस लिएको अभियोगमा पक्राउ

काठमाडौँ (रासस) । अख्तियार दुरुपयोग अनुसन्धान आयोगले कञ्चनपुर बेलौरी नगरपालिका कार्यालयका सब–इञ्जिनीयर हृदयराज बजगाईंलाई रु ६० हजार घुस लिएको अभियोगमा

रोजगार विभागमा नक्कली कागजात बनाउने पाँच विचौलीया पक्राउ

काठमाडौं । श्रम तथा वैदेशिक रोजगार विभाग ताहाचलमा सेवाग्राहीको नक्कली भिसा कार्ड लगायतका काम गर्दै आएका पाँचजना विचौलीया पक्राउ परेका

प्रहरीलाई पाँच सय घुस दिने दुईजना चालक पक्राउ

काठमाडौं । चेकजाँचका क्रममा प्रहरीलाई पाँच सय रुपैयाँ घुस दिन खोज्ने दुईजना टिपर चालक पक्राउ परेका छन् । पक्राउ पर्नेमा

सुपारी तस्करीमा संलग्न चार महिला पक्राउ 

विराटनगर । विराटनगरको भारत सीमाबाट अवैध रुपमा भारततर्फ सुपारी तस्करीमा संलग्न चारजना पक्राउ परेका छन् । अस्थायी प्रहरी पोष्ट मटेरूवाबाट