खेल
एजेन्सी ।
पेरीस । फ्रान्समा गत हप्ता सम्पन्न युरोपियन च्याम्पियनसिप (युरोकप) फुटबलको १५ औ संस्करणमा स्वीट्जरल्याण्डका जार्डन शकिरीको गोल उत्कृष्ट ठहरिएको छ । युरोपियन फुटबल एसोसियसन युइएफएले बिहिबार सार्वजनिक गरेको युरोकप २०१६ का उत्कृष्ट १० गोलको सूचीमा जार्ड शकिरीको गोल उत्कृष्ट ठहरिदै शिर्ष स्थानमा रहेको हो ।
प्रि क्वाटरफाइनल अन्तर्गत पोल्यान्डबिरुद्धको खेलमा शकिरीले पेनाल्टी क्षेत्रबाट गरेको एक्रोब्याटिक गोल युरोकपको उत्कृष्ट ठहरिएको हो । पोल्यान्डबिरुद्ध एक गोलले पछि परेको अवस्थामा शकिरीले उत्कृष्ट गोल गर्दै टोलीलाई खेलमा फर्काएका थिए । तर, स्वीट्जरल्याण्ड पोल्यान्डसंग ट्राइबेकरमा पराजित हुदै प्रतियोगिताबाट बाहिरिएको थियो ।
युइएफएले सार्वजनिक गरेको युरोको उत्कृष्ट १० गोलमा उपाधि बिजेता टिम पोर्चुगलका स्टार खेलाडी क्रिष्टियानो रोनाल्डोका गोल पनि परेका छन् । च्याम्पियन पोर्चुगलका कप्तान रोनाल्डोका दुई गोल उत्कृष्ट १० मा परेका छन् । रोनाल्डोले समूह चरण अन्तर्गत हंगेरीसँगको खेलमा गरेको गोल पाँचौं नम्बरमा परेको छ भने सेमिफाइनलमा वेल्ससँगको खेलमा गरेको गोल आठौं नम्बरमा परेको छ ।
त्यस्तै फाइनलमा फ्रान्सबिरुद्ध एक मात्र निर्णायक गोल गरेका पोर्चुगिज एडरका गोल पनि उत्कृष्ट १० मा समेटिएका छन् ।
फ्रान्स युरोका उत्कृष्ट १० गोल
१) जार्डन शकिरी (स्वीट्जरल्याण्ड) –पोल्याण्डविरुद्ध (अन्तिम १६)
२) हाल रोब्सन कानु (वेल्स) –बेल्जियमबिरुद्ध (क्वाटरफाइनल)
३) दिमित्री पेयट (फ्रान्स) –रोमानियाविरुद्ध (समूह चरण)
४) मारेक हामसिक (स्लोभाकिया) – रुसविरुद्ध (समूह चरण)
५) क्रिष्टियानो रोनाल्डो (पोर्चुगल) –हंगेरीविरुद्ध (समूह चरण)
६) एडर (पोर्चुगल) –फ्रान्सबिरुद्ध (फाइनल)
७) एन्टोनी ग्रिजम्यान (फ्रान्स) – आइसल्याण्डबिरुद्ध (क्वाटरफाइनल)
८) क्रिष्टियानो रोनाल्डो (पोर्चुगल) –वेल्सविरुद्ध (सेमिफाइनल)
९) इडन हजार्ड (बेल्जियम) –हंगेरीविरुद्ध (अन्तिम १६)
१०) रोमेलु लुकाकु (बेल्जियम) –रिपब्लिक अफ आयरल्याण्डविरुद्ध (समूह चरण)
प्रकाशित मिति: आइतबार, साउन २, २०७३ ०८:०३
प्रतिक्रिया दिनुहोस्