काठमाडौं । स्टकहोम इन्टरनेसनल पीस रिसर्च इन्सटिच्युट (सीप्री)ले सार्वजनिक गर्दै आएको प्रतिवेदनमा लामो समयदेखि हतियार निर्यातको मामिलामा अमेरिका पहिलो स्थानमा रहँदै आएको छ । विश्वव्यापी हतियार निर्यातमा अमेरिकाको हिस्सा ३३ प्रतिशत छ । तर अमेरिकाले विक्री गरेको हतियार कुन मुलुकहरुले खरिद गर्दैै आएका छन् त ?

 

२०११ देखि २०१५ सम्मको अवधिमा अमेरिकी हतियार खरिद गर्नेमा साउदी अरेबिया पहिलो स्थानमा रहँदै आएको सीप्रीले जनाएको छ  ।

 

अमेरिकी हतियार खरिद गर्ने अन्य मुलुकहरुमा टर्की, दक्षिण कोरिया, अस्ट्रेलिया, ताइवान, भारतल, सिंगापुर, इराक र इजिप्ट शीर्ष स्थानमा रहदै आएका छन् ।

 

केही समयका लागि मध्यपूर्व हतियार निर्यातको पहिलो गन्तव्य हुने विज्ञहरुको विश्वास छ । हाल यो क्षेत्रले अमेरिकाको हतियार निर्यातको ४० प्रतिशत हिस्सा ओगट्दै आएको छ ।

आईएसआईएसको उपस्थितिलाई आधार मान्दै यो क्षेत्रका मुलुकहरुले ठूलो परिमाणमा हतियार खरिद गर्नु परेको बताउँदै आएका छन् ।

 

अमेरिकी निर्यातमा सानादेखि लिएर लडाकु विमान, ट्यांक र प्याट्रियोट मिसाइलसम्म हुने गरेका छन् ।

 

अमेरिका बाहेक अन्य मुलुक पनि हतियार निर्यातमा संलग्न रहँदै आएका छन् । हतियार निर्यातमा प्रमुख मानिएका अन्य मुलुकहरुमा रुस, चीन, फ्रान्स र जर्मनी रहेका छन् ।

पछिल्लो समयमा आएर चिनियाँले पनि हतियार निर्यातको मामिलामा अमेरिकासँग प्रतिस्पर्धा गर्न थालेका छन् ।

 

चीनले २००६ देखि २०१० सम्मको अवधिमा विश्वव्यापी हतियार निर्यातमा आफ्नो हिस्सा ६० प्रतिशत भन्दा बढीले बढाएको सीप्रीले जनाएको छ ।

 

चीन विशेषगरी ड्रोन प्रविधिम सक्रिय छ । चीनले नाइजेरिया, इराक र पाकिस्तानमा ड्रोनको निर्यात गर्दै आएको छ । -एजेन्सी