लण्डन । पाकिस्तान क्रिकेट टोलीका कप्तान मिसबाह उल हक सबैभन्दा धेरै उमेरमा शतक बनाउने कप्तान बनेका छन् । इंग्ल्यान्डको लडर्समा जारी इंग्ल्यान्ड र पाकिस्तानबीचको पहिलो टेस्टको पहिलो दिन बिहीबार शतक बनाउँदै मिसबाह शतक बनाउने बुढा कप्तान भएका हुन् ।

 

पहिलो दिनको खेल सकिदा अविजित रहँदै १ सय १० बनाउँदा मिसबाह ४२ वर्ष ४७ दिनका थिए । पाकिस्तानी कप्तान मिसबाहले अस्ट्रेलियाका कप्तान बब सिम्पसनले बनाएको किर्तिमान भङ्ग गरेका हुन् । सन् १९७८ मा भारतविरुद्ध एडिलेडमा शतक बनाउँदा उनी ४१ वर्ष ३ सय ५९ दिनका थिए ।

 

मिसबाहको यो आठौं शतक पनि हो । मिसबाहले ४० वर्ष कटेपछि मात्रै ५ वटा शतक बनाएका छन् । ति सबै शतक उनले कप्तान भएपछि बनाएका हुन् । अहिलेसम्म कुनै पनि कप्तानले ३ भन्दा बढी सतक बनाउन सकेका छैनन् ।

 

 

यस्तै कप्तान मिसबाह सबैभन्दा बुढा उमेरमा शतक बनाउने छैटौं खेलाडी समेत बनेका छन् । सबैभन्दा बढी उमेरमा शतक बनाउने खेलाडीको किर्तिमान भने अष्ट्रेलियाका पूर्वब्याट्सम्यान सर ज्याक होब्सको नाममा रहेको छ । होब्सले सन् १९२९ मा इंग्ल्यान्डबिरुद्ध शतक बनाउँदा ४६ वर्ष २८ दिनका थिए ।

 

जारी टेस्टको पहिलो दिनको खेल सकिदा मिसबाहले शतक बनाएको खेलमा पाकिस्तानले इंग्ल्यान्डविरुद्ध ६ विकेटको क्षतिमा २ सय ८२ रन बनाएर खेलिरहेको छ । एजेन्सी