ताइवान । ताइवानमा ह्याकरहरुले कार्ड बिनानै एटीएमबाट २० लाख डलर चोरी गरेका छन् । ताइवानको फस्ट बैंकले सञ्चालन गरेको एटीएमबाट ह्याकरहरुले पैसा चोरी गरेको प्रहरीले जनाएको छ । केही मिनेटको अवधिमै यो घटना भएको हो ।

 

पैसा निकाल्नका लागि कार्डको सट्टा ‘कनेक्टेड डिभाइस’ को प्रयोग गरिएको समाचारहरुमा जनाइएको छ । यो सम्भवतः स्मार्टफोन हुन सक्छ । अधिकारीहरुले चोरको खोजी भइरहेको जनाएका छन् । चोर रुस र पूर्वी युरोपबाट आएको हुन सक्ने अनुमान गरिएको छ ।

 

चोरी भएको एटीएम मेसिन विनकर निक्सडर्फ नामक जर्मन कम्पनीले उत्पादन गरेको हो । ताइवानमा प्रयोग भएका धेरै मेसिनहरु पूर्व नियोजित आक्रमणको  शीकार भएको कम्पनीले जनाएको छ ।

 

कम्पनीले अनुसन्धानमा सहयोग गर्न ताइवानमा सुरक्षा विज्ञहरुलाई पठाइसकेको छ । एजेन्सी