विदेश
काठमाडौं । फ्रान्सको निस सहरमा बिहीबार राष्ट्रिय दिवस मनाइरहेका नागरिकमाथि भएको ट्रक आक्रमणमा ७७ जनाको ज्यान गएपछि तीन महिना संकटकाल थप गरिएको बीबीसीले जनाएको छ ।
नोबेम्बरमा १३० जनाको ज्यान गएको आतङ्ककारी आक्रमणपछि फ्रान्समा लागु भएको संकटकाल यही जुलाई २६ मा सकिँदै थियो ।
निसको घटनालाई आतङ्ककारी प्रकृतिको भन्दै राष्ट्रपति फ्य्रान्कोइस हल्यान्डेले संकटकाल लगाउने घोषणा गरेका हुन् ।
आक्रमणमा संलग्न ट्रक डाइभर प्रहरीको गोलीबाट मारिएको थियो । ट्रकमा बन्दुक र बमहरू फेला परेको अधिकारीहरूले बताएको बेलायती पत्रिका गार्जियनको अनलाइन संस्करणमा उल्लेख गरिएको छ ।
प्रकाशित मिति: शुक्रबार, असार ३१, २०७३ ०८:२५
प्रतिक्रिया दिनुहोस्