चक्रव्यूहमा प्रधानमन्त्री ओली 

बोलेर, लेखेर, सडकमा एकाधपटक निस्केर सत्यको आग्रह गर्न हामी सबैले सक्छौँ । तर, सत्याग्रहकै क्रममा ज्यान दिने आँट भने करोडौंमा एकले मात्र गर्न सक्छन् । डा. केसी तिनै करोडौंमा एक सपुत हुन् । उनले हारे भने सत्यले हार्नेछ । अहिंसा र लोकतन्त्रले हार्नेछ । राज्यको उपेक्षाका कारण डा. केसीको जीवन तलमाथि भयो वा उनको ध्येय पूरा भएन भने दशकौंसम्म अर्को कसैले नेपालमा नागरिक अवज्ञा र सत्याग्रहको आँट गर्नेछैन ।