विकासको यो रूप अर्थात् विद्रूप ! 

छिम्कालेखमा माईको पूजाको सिलसिलामा वा बहकिँदै पनि धेरैपटक पुगेको छु । तर, पछिल्लोपटक २०४१ /४२ सालतिर गएको थिएँ । त्यतिन्जेलसम्म छिम्केश्वरीको ‘विकास’ भएको थिएन । यही फागुन १३ गते मूलतः माईको दर्शन गर्न छिम्केश्वरी पुग्दा त्यहाँको विकास देख्नेबित्तिकै मैले ती काठमाडौं महानगरपालिकाका अधिकृतलाई सम्झेको थिएँ । माईको स्थान र परिसरको पनि ‘ब्युटिफाइ’ गरिएछ ।