काठमाडौं । नेकपा एमालेका अध्यक्ष तथा प्रधानमन्त्री केपी शर्मा ओलीले कर्णालीका सांसदको पुनबर्हालीको सर्वोच्चको अन्तरिम आदेशविरुद्ध पुनरवलोकन निवेदन (भ्याकेट) दर्ता गरेका छन् । निवेदन आइतबार दर्ता गरिएको अधिवक्ता ईश्वरीप्रसाद भट्टराईले जानकारी दिए । निवेदनको पेशी मंगलबार तोकिएको उनले बताए । 

न्यायाधीश प्रकाशमान सिंह राउतको इजलासले गत जेठ ३० गते एमाले महाधिवेशन आयोजक कमिटीको निर्णयका आधारमा गरिएको कारबाही अस्वीकार गर्दै कर्णालीका चार सांसदहरूको पुनर्बहाली गरेको थियो । 

मुख्यमन्त्री महेन्द्रबहादुर शाहीले विश्वासको मत लिने क्रममा नेता माधव नेपाल पक्षका सांसदहरू प्रकाश ज्वाला, कुर्मराज शाही, अम्मरबहादुर थापा र नन्दसिंह बुढाले फ्लोर क्रस गरेपछि एमालेले कारबाही गरेको थियो ।

उनीहरूमध्ये तीन जना कर्णली सरकारमा मन्त्री छन् ।