काठमाडौं । प्याट्रिक शिकको  उत्कृष्ट प्रदर्शनमा चेक रिपब्लिकले युरोकप फुटबलमा विजयी सुरुवात गरेको छ । १६ औँ संस्करणको  प्रतियोगिता अन्तर्गत चेक रिपब्लिकले विजयी सुरुवात गरेको हो । 

सोमबार भएको खेलमा स्कटल्यान्डलाई २-० गोल अन्तरले पराजित गरेको हो  । ह्याम्पडेन पार्कमा चेक रिपब्लिकलाई जित दिलाउन प्याट्रिक शिकले दुई गोल गरे ।

खेलको ४२ औँ मिनेटमा प्याट्रिकले हेडरमार्फत गोल गर्दै चेक रिपब्लिकलाई सुरुवाती अग्रता दिलाएका थिए ।

५२ औँ मिनेटमा प्याट्रिकले व्यक्तिगत दोस्रो गोल गर्दै चेक रिपब्लिकलाई २-० को जित दिलाए ।

जितसँगै समूह 'डी’ को चेक रिपब्लिकले महत्वपूर्ण ३ अंक जोडेको छ ।