काठमाडौं । निर्वाचन आयोगले जनता समाजवादी पार्टी ( जसपा) को दुवै पक्षको कारबाहीको अद्यावधिक नगर्ने निर्णय गरेको छ । आज बसेको आयोगको बैठकले पदाधिकारी हटाउनु र हेरफेर गर्नु एउटै विषय नभएकाले अद्यावधिक गर्न नमिल्ने निर्णय गरेको हो ।

दफा ४३ अनुसार आए मात्रै विवाद अघि बढाउने आयोगको एक अधिकारीले जनाकारी दिए ।

अध्यक्ष महन्थ ठाकुर पक्षले अर्का अध्यक्ष उपेन्द्र यादवलाई र यादव पक्षले महन्थसहित नेताहरू राजेन्द्र महतो, सर्वेन्द्रनाथ शुक्ला र लक्ष्मणलाल कर्णलाई कारबाही गरेपछि जसपाकाे विवाद निर्वाचन आयोगसम्म पुगेकाे थियाे ।

दुवै पक्षले जेठ १८ गने नै पार्टीको दर्ता किताबमा नाम अध्यावधिक गर्न राजनीतिक दलको दफा ५१ अनुसार आयोगलाई पत्राचार गरेका थिए । आयोगले भोलिपल्टै (जेठ १९) गते अनुसूचीअनुसार सात दिनभित्र आउन भन्दै दुवै पक्षलाई पत्र पठाएको थियो ।
 
उनीहरूले पार्टीको लेटरप्याडमा निवेदन लेखेको र विवरण पूर्ण नभएको भन्दै आयाेगले अनुसूचीअनुसार आउन पत्राचार गरेको थियो । सोही पत्रअनुसार जसपाको यादव पक्षले भने आयोगलाई जेठ २० गते नै अनुसूची अनुसारको विवरण पेश गरेकाे थियाे ।

तर, ठाकुर पक्षले भने निर्धारित समयमा अनुसूची अनुसारको विवरण बुझाउन सकेन । उसले कानुनअनुसार थप सात दिनको समय मागेको थियो । तर, उक्त समयमा ठाकुर पक्ष आयोग पुगेन ।

यस्ताे छ आयाेगले गरेकाे निर्णय :