विराटनगर । प्रदेश नम्बर–१ बाट शनिबार एक हजार ३१० जना कोरोना संक्रमणमुक्त भएका छन् । संक्रमणमुक्त हुनेमा ५२४ महिला र ७८६ पुरुष रहेका सामाजिक विकास मन्त्रालयले जनाएको छ । यहाँ हालसम्म ४८ हजार ५५३ जना संक्रमणमुक्त भएका छन् ।

प्रदेश–१ मा आज ४८६ जना कोरोना संक्रमित थपिएका छन् । मोरङमा १९३, सुनसरीमा १३५, झापामा १०८, धनकुटामा १४, उदयपुरमा ६, संखुवासभा र भोजपुरमा ४/४, तेह्रथुम, इलाम र ताप्लेजुङमा १/१ र प्रदेश १ बाहिरका १९ जनामा संक्रमण देखिएको मन्त्रालयले जनाएको छ ।

मोरङको विराटनगरमा ११७, बूढीगंगामा १८, कानेपोखरीमा १७, बेलबारीमा ११, कटहरीमा ६, पथरीशनिश्चरेमा ५, सुन्दहरंँचामा ४, जहदा र स्थानीय तह नखुलेका ३/३, सुनबर्षीमा २, रंगेली र उर्लाबारीमा २/२, रतुवामाई, लेटाङ, केराबारी र ग्रामथानमा १/१, सुनसरीको धरानमा ६२, इटहरीमा ३१, इनरुवामा २०, दुहवीमा ७, रामधुनीमा ६, बराहक्षेत्रमा ५, बर्जुमा २, देवानगञ्ज र स्थानीय तह नखुलेका १/१, झापाको दमकमा ७४, भद्रपुरमा १६, मेचीनगरमा ५, विर्तामोडमा ४, कचनकवलमा ३,  शिवसताक्षी , कमल, बाह्रदशी,  अर्जुनधारा र झापा गाउँपालिकामा १/१ जनामा संक्रमण देखिएको छ ।

त्यसैगरी, धनकुटाको धनकुटा नगरपालिकामा ६, पाख्रिबासमा ४, सहिदभूमि, महालक्ष्मी, चौबिसे र  छथरमा १/१, उदयपुरको रौतामाई र त्रियुगामा २–२, कटारी र स्थानीय तह नखुलेका १/१, संखुवासभाको खाँदबारीमा ३ र मादीमा १, भोजपुरको भोजपुर नगरपालिकामा १ र स्थानीय तह नखुलेका ३, तेह्रथुमको फेदापमा १, इलामको चुलाचुलीमा १, ताप्लेजुङमा १ र प्रदेश–१ बाहिरका १९ जनामा संक्रमण देखिएको मन्त्रालयले जनाएको छ ।

योसँगै प्रदेश–१ मा कोरोना संक्रमितको कुल संख्या ६५ हजार ३४१ पुगेको छ । सक्रिय संक्रमितको संख्या १५ हजार ७५२ रहेको छ । 

प्रदेश–१ मा आज एक हजार ४१९ स्वाब नमुनाको पीसीआर परीक्षण गरिएको थियो । परीक्षण गरिएकामध्ये २२६ महिला र २६० जना पुरुषको रिपोर्ट पोजिटिभ आएको सामाजिक विकास मन्त्रालयले जनाएको छ ।