काठमाडौं । सोलिडारिटी फर डा. केसी अलायन्सले बालुवाटारबाट आज पक्राउ परेका नागरिक आन्दोलनका अभियान्ताहरूको निशर्त रिहाइ गर्न माग गरेको छ । 

अलायन्सले प्रेस विज्ञप्ति जारी गर्दै सडक आन्दोलनबाट पक्राउ परेका सबैको तत्काल रिहाइ गर्न तथा मेडिकल माफियाकरण बन्द गर्न सरकारसँग माग गरेको हो । चिकित्सा शिक्षा सुधारको अभियानमा सडकमा उत्रिएका नागरिकहरूसँग सरकार डराएर दमनमा उत्रिएको अलायन्सको आरोप छ । 

चिकित्सा शिक्षा आयोगमाथि राजनीति हाबी भएको भन्दै बालुवाटरमा प्रदर्शनमा उत्रिएका नागरिक समाजका २० जनालाई आज पक्राउ गरिएको थियो ।