काठमाडौं । सीईडीबी हाइड्रोपावर डेभलपमेन्ट कम्पनीको सेयर नेपाल स्टक एक्सचेन्ज (नेप्से)मा सूचीकृत भएको छ । कम्पनीको प्रतिकित्ता १०० रुपैयाँअंकित मूल्यका ८३ लाख ९४ हजार १०० कित्ता सेयर नेप्सेमा सूचीकृत भएको हो ।

कम्पनीले सर्वसाधारणमा जारी गरेको २५ लाख १८ हजार २३० कित्ता र  संस्थापक सेयर ५८ लाख ७५ हजार ८७० कित्ता सेयर नेप्सेमा सूचीकृत भएको छ । नेप्सेले कम्पनीको सेयर पहिलो कारोबारका लागि प्रतिसेयर न्यूनतम १३८ रुपैयाँ ७९ पैसादेखि अधिकतम ४१६ रुपैयाँ ३७ पैसा ओपनिङ रेन्ज प्रदान गरेको छ ।

नेप्सेले आईपीओ जारी गरेर नेप्सेमा सूचीकृत भएका कम्पनीको लागि पछिल्लो परिष्कृत वित्तीय विवरणको प्रतिसेयर नेटवर्थदेखि नेटवर्थको तीन गुणासम्म ओपनिङ रेन्ज तोक्ने गर्छ ।

कम्पनीको सेयर नेप्सेमा सूचीकृृत भएसँगै बुधबारबाट दोस्रो बजारमा कारोबार गर्न सकिनेछ ।