site stats
बाह्रखरी :: Baahrakhari
अर्थ व्यवसाय
Nabil BankNabil Bank
Sarbottam CementSarbottam Cement
निषेधाज्ञामा कागतीका बोटसँग रमाउँदै नेता थापा
Ghorahi CementGhorahi Cement

दाङ । घरको उत्तरतिर तीन कठ्ठा जग्गामा कागतीको बगैंचा छ । लहरै रोपिएका सर्लक्क बढेर झुम्म परेका बोटहरुमा फूल र फल पनि उत्तिकै छन् ।

घोराही उपमहानगरपालिका-१७, गुलरिया निवासी राष्ट्रिय जनमोर्चाका नेता सुरेश थापा निषेधाज्ञाको यो समयमा कागती बगैँचामा रमाउँदै दिनहरु बिताइरहेका छन् । उनी भन्छन्, "फूल र फल लागेका कागती बगैँचामा टहल्दा आनन्द अनुभूति हुन्छ । शरीरमा एक किसिमको ऊर्जा र पुनर्ताजगी पैदा हुन्छ ।"

करिब पाँच वर्षपहिले नेता थापाले तीन कठ्ठा जग्गामा स्थानीय जातको बाह्रमासे कागतीका ५५ बिरुवा रोपेका थिए । तर, राजनीतिमा पूर्णकालीन भएको हुँदा उनले कागती खेतीमा खास समय दिन सकेनन् । समयमा सिँचाइ, मल, औषधि, गोडमेललगायत अन्य हेरचाह गर्न नसक्दा कागतीका बिरुवा अपेक्षाकृत सप्रन सकेका थिएनन् । त्यसमा पनि उनलाई सुरुमा कागती खेतीबारे राम्रो ज्ञान पनि थिएन ।

Agni Group

कोरोना कहरसँगै जब पहिलोपटक देशमा 'लकडाउन' भयो, जिल्लाबाहिर रहेका नेता थापा घर आए र कागतीका बिरुवा स्याहार्न थाले । थापा भन्छन्, "गत वर्षको लकडाउनमा बल्ल मैले कागतीका बिरुवा स्याहार्न पाएँ । मल र औषधि हालेर गोडमेल गरेँ । त्यसपछि बल्ल कागती सप्रिए ।"

वि.सं २०४६ पछि राजनीतिमा सक्रिय नेता थापा यो वर्षको निषेधाज्ञामा फेरि आफ्नो कार्यक्षेत्रबाट घर फर्किएका छन् र कागती खेतीको स्याहारमा जुटेका छन् ।

Global Ime bank

सुरुका वर्षहरुमा त्यति राम्रो नभएका कागतीका बोट अहिले रहरलाग्दा भएका छन् । प्रायः सबै बोटहरुमा फल लागेका छन् । कागतीको व्यावसायिक खेती गर्ने योजना विस्तारै मूर्त बन्दै गएकोमा उनी केही हदसम्म सन्तुष्ट देखिन्छन् । आफ्नो अनुभव र केही सोधखोजले नेता थापाले अब कागती खेतीबारे धेरै ज्ञान हासिल गरिसकेका छन् । कागती खेतीबारे अब उनमा थप जाँगर र उत्साह बढेको छ । उनी थप दुई कठ्ठामा कागती रोप्दै छन् ।

"खाल्डा खनेर तयार गरिसकेको छु । अब केही दिनमै बिरुवा रोप्ने तयारीमा छु," नेता थापाले भने । करिब १० वर्षअघि तत्कालीन कृषि विकास कार्यालय घोराहीमा व्यावसायिक खेतीबारे बुझ्न गएका उनलाई वागबानी अधिकृत टिकाराम चौधरीले कागती खेती गर्न सल्लाह दिएका थिए ।

अधिकृत चौधरीले कागती खेतीका लागि दाङको माटो उपयुक्त भएको र बजार पनि राम्रो भएको बताएपछि नेता थापाले कागती खेती गर्ने सोच बनाए । कागती खेती गर्ने सोच १० वर्षअघि बने पनि उनले त्यसको पाँच वर्षपछि मात्र कागती खेती सुरु गरे ।

कागतीमा फल लाग्न सुरु गरेपछि उत्साहित र आनन्दित भएका उनलाई कागती बगैँचाको स्वच्छ र मनोरम वातावरणले निषेधाज्ञाको सकस पनि बिर्साएको छ । उनी अचेल श्रीमती कृष्णा रानासहित कागतीका बोटहरुसँग रमाउँदै दिन बिताइरहेका छन् ।

NIBLNIBL
प्रकाशित मिति: मंगलबार, जेठ २५, २०७८  १२:१६
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC