खेल
काठमाडौं । अष्ट्रेलियाले फिफा विश्वकप २०२२ तथा एसियन कप २०२३ अन्तर्गत दोस्रो चरणको छनोटको आफ्नो छैटौं खेलमा फराकिलो जित निकालेको छ
सोमबार राति भएको खेलमा अष्ट्रेलियाले चाइनिज ताइपेईमाथि सहज जित निकालेको हो । कुवेत सिटीमा भएको खेलमा अष्ट्रेलियाले चाइनिज ताइपेईलाई ५–१ ले हरायो ।
अष्ट्रेलियाको जितमा मिचेल डुकले दुई गोल गरे । यस्तै, ह्यारी साउटर, जेमी म्याकक्लेरन र ट्रेन्ट सैन्सबरीले एक/एक गोल गरे । ताइपेईका वीजी गोआले एक गोल फर्काए ।
ताइपेईलाई हराएसँगै अष्ट्रेलियाले विश्वकप छनोटमा आफूलाई बलियो बनाएको छ । समूह ‘बी’मा ६ खेल खेलेको अष्ट्रेलिया १८ अंकसहित तालिकाको शीर्ष स्थानमा छ । अंकविहीन चाइनिज ताइपेई पुछारमा छ ।
प्रकाशित मिति: मंगलबार, जेठ २५, २०७८ १०:४९
प्रतिक्रिया दिनुहोस्