काठमाडौं । अष्ट्रेलियाको सिड्नीको अर्बन नेपाली समाजको अध्यक्षमा रवीन्द्रकुमार शर्मा चयन भएका छन् । नेपालीको ठूलो संख्या रहेको सिड्नीको अर्बनमा रहेका नेपालीले आफ्नो संस्थाको प्रमुखको रूपमा रवीन्द्रलाई चयन गरेका हुन् । अध्यक्षमा चयन भएपछि उनले भने, “आगामी दिनमा सस्थालाई सामुहिक रूपमा नेपालीको हकहितको पक्षमा लाग्ने प्रतिबद्धता ब्यक्त गर्दछु ।”
समाजको उपाध्यक्षÞमा जितेन्द्र श्रेष्ठ र सबिन डाँगी, महासचिवमा सन्तोष आचार्य, सचिवमा राजेश टण्डन, कोषाध्यक्षमा तमन्ना शर्मा, महिला संयोजकमा सबला बस्नेत, युवा संयोजकमा युद्दीका कुँवर चयन भएका छ । सदस्यहरूमा मनोज अधिकारी, भुपेन्द्र कंडेल, आयुष अधिकारी, निशान कार्की, धिरेन बहादुर थापा र दीपेन्द्र घिमिरे चयन भएका छन् ।
समाजले सल्लाहकारहरूमा दिनेशकुमार पोखरेल, मनरिषी धिताल, रमेश बानिया, राजकुमार श्रेष्ठ, राजु गिरी र शशी राईलाई चयन गरेको छ । समाजले पूर्व अध्यक्ष अशोक उप्रेतीलाई संरक्षकको रूपमा चयन गरेको छ ।
सिड्नीमा आयोजना हुने नेपाली चलचित्र तथा सांस्कृतिक कार्यक्रमहरुमा पनि रवीन्द्रको सधैं सक्रियता रहने गरेको छ ।