site stats
बाह्रखरी :: Baahrakhari
विदेश
Nabil BankNabil Bank
Sarbottam CementSarbottam Cement
बालबालिकाको मानसिक स्वास्थ्यलाई प्रदूषणले असर गर्ने अध्ययनको निष्कर्ष
Ghorahi CementGhorahi Cement

लण्डन । बालबालिका र किशोरकिशोरीको मानसिक स्वास्थ्यमा वायु प्रदूषणले असर गर्ने एक अध्ययनले देखाएको छ । २५ वर्षसम्म संयुक्त रुपमा गरिएको ब्रिटिस/अमेरिकी अध्ययनले वायुप्रदुषणमा हुर्कने बाललबालिका र किशोरकिशोरीहरुमा १८ वर्ष उमेर पुगेपछि मानसिक समस्या देखिने उच्च सम्भावना रहने देखाएको हो ।

बेलायतको वेल्स र इंल्यान्डमा सन् १९९४-१९९५ मा जन्मेका दुई हजार ३९ जुम्ल्याहा बालबालिकामा यो अध्ययन गरिएको थियो । बाल्यकालमा नाइट्रोजन अक्साइड एवं कणीय पदार्थसँग अनावरण हुनु (संसर्गमा आउनु) र चिन्ता, उदासिनता जस्ता विकार विकसित हुनुबीच अध्ययनले अन्तरसम्बन्ध देखाएको हो ।

Agni Group

"समग्रमा यी नतिजाहरुले सुझाव दिन्छ कि युवावस्थामा मानसिक समस्या बढ्नुमा अधिक जिम्मेवार बाल्यकालमा निरन्तर नाइट्रोजन अक्साइडयुक्त मध्यम स्तरको वायु प्रदुषणमा रहनु हो," अध्ययनमा उल्लेख गरिएको छ । 

वायु प्रदुषण र मानसिक समस्याको जोखिमबीचको सम्बन्ध तनावपूर्ण नरहे पनि यसको जोखिम भने अवश्य रहेको छ । अध्ययनको नतिजा मानसिक स्वास्थ्यसम्बन्धी अन्य व्यक्ति, परिवार वा छिमेकीको धारणको प्रभावबाट मुक्त रहेको दाबी गरिएको छ ।

Global Ime bank

"ठूला सहरमा हुर्किरहेका बालबालिकाहरु ठूलो जनसंख्याका कारण मानसिक रोगको ठूलो जोखिम सामना गरिरहेका छन्," अध्ययनकी सहलेखिका डा. हेलेन फिसरले भनिन्,  "हामीले हाम्रा शहरलाई हरियाली र खुल्ला स्थानका रुपमा कल्पना गरे पनि त्यहाँ कसैले कल्पना नगरेका गोप्य खतरा हुनसक्छन् भन्ने स्पष्ट भएको छ ।" फिसर किंग्स कलेजको इन्स्टिच्युट अफ साइक्याट्रि, साइकोलोजि एण्ड न्यूरोसाइन्सले गरेको अध्ययनकी एक प्रमुख अध्ययनकर्ता हुन् ।

सहभागीहरु १८ वर्षको भएपछि एडीएचए, चिन्ता, मदिरामा निर्भरता लगायत दश साधारण मनोवैज्ञानिक विकारहरुको लक्षणको मूल्यांकन गरीएको थियो । यसबाट उनीहरुको मानसिक स्वास्थ्य अवस्था जनाउने साइकोप्याथोलोजी फ्याक्टर (पी फ्याक्टर)को मापन गरिएको बताइएको छ । पी फ्याक्टर उच्च भएकाहरुमा चिन्ता, मदिरा सेवन गर्ने बानी जस्ता लक्षण धेरै देखिएको छ ।

प्रदूषणले मुटु, फोक्सो र स्नायु प्रणालीमा असर गर्ने कुरा यसअघिका अध्ययनहरुले नै पुष्टि गरिसकेका छन् । विश्व स्वास्थ्य संगठनका अनुसार विश्वका प्रत्येक १० मध्ये ९ जना उच्च मात्राको प्रदूषणमा रहेका छन् । द गार्जियनबाट

NIBLNIBL
प्रकाशित मिति: आइतबार, वैशाख १९, २०७८  ००:१८
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC