ढाका । भारतीय प्रधानमन्त्री नरेन्द्र मोदीको भ्रमणलाई लिएर बंगलादेशमा विरोध प्रदर्शन भएको छ । बंगलादेशको ५० औं स्वतन्त्रता दिवसका अवसरमा बंगलादेश भ्रमणमा रहेका मोदीविरुद्ध केही समूहले विरोध प्रदर्शन गरेका अलजजिराले जनाएको छ ।
भ्रमणका क्रममा मोदीले चुनावलाई लक्षित गर्दै यहाँको दक्षिणी ग्रामिण क्षेत्रको अवलोकन गर्नेछन् । उनले हिन्दु धर्मका एक प्रमुख सुधारकको जन्मस्थान समेत भ्रमण गर्नेछन्, जसको भारतीय राज्य पश्चिम बंगालमा समेत लाखौं अनुयायी छन् ।
भारतमा मुसलमानमाथि अत्याचार गरेको र धार्मीक द्वन्द्व बढाएको आरोप लगाउँदै पछिल्लो केही सातादेखि बंगलादेशमा मोदीको भ्रमणको विषयलाई लिएर विरोध प्रदर्शन भइरहेको छ ।
बिहीबार ढाकामा मोदीको विरुद्धमा प्रदर्शनमा उत्रिएका सयौं प्रदर्शनकारीमाथि प्रहरीले अश्रुग्याँस र रबरको गोली प्रहार गरेको बताइएको छ ।