विदेश
काठमाडौं । अमेरिकाले विकास गरेको कोभिड–१९ विरुद्धको जोन्सोन एन्ड जोन्सोन खोपलाई विश्व स्वास्थ्य संगठन (डब्लुएचओ)ले आपत्कालीन प्रयोगको अुनमति दिएको छ । संगठनले अनुमतिसँगै यो खोपलाई कोभ्याक्स कार्यक्रममा पनि लिने भएको छ ।
युरोपियन मेडिसिन एजेन्सी (ईएमए)ले शुक्रबार जोन्सोन एन्ड जोन्सोनलाई विश्वभर मान्यता दिने निर्णय गरेको थियो । एक डोज मात्राको खोपलाई संगठनले पहिलोपटक प्रयोग अनुमति दिएको हो ।
जोन्सोन एन्ड जोन्सोनको खोप २ देखि ८ डिग्री सेल्सियसको तापक्रममा भन्डारण गर्न सकिन्छ । तेस्रो चरणको परीक्षणमा यसको प्रभावकारिता ८५ प्रतिशत पाइएको थियो ।
प्रकाशित मिति: आइतबार, चैत १, २०७७ १२:१२
प्रतिक्रिया दिनुहोस्