काठमाडौं । कोरोना संक्रमणका कारण विश्वमा मृत्यु हुनेको संख्या २५ लाख २० हजार नाघेको छ । विश्व स्वास्थ्य संगठनको तथ्यांक अनुसार हालसम्म कोरोनाका कारण मृत्यु हुनेको संख्या २५ लाख २० हजार ५५० पुगेको छ । 

पछिल्लो २४ घण्टामा विश्वमा कोरोनाका कारण ८ हजार २३० जनाको मृत्यु भएको छ । सोही अवधीमा ३ लाख ८४ हजार ९५६ कोरोना संक्रमित थपिएका छन् । 

तथ्यांक अनुसार हालसम्म विश्वमा ११ करोड ३४ लाख ६७ हजार ३०३ जनामा कोरोना संक्रमण भइसकेको छ ।