बीबीसी । माइक्रोसफ्टका संस्थापक बिल गेट्सले बिटकोइनमा कुनै लगानी नगरेको नयाँ सोसल नेटवर्क क्लबहाउसमा बताएका छन् । होस्ट एन्ड्रयु सोर्किनसँग बोल्दै उनले वस्तुहरु उत्पादन गर्ने कम्पनी जस्तै दादुरा, मलेरियाको खोप लगायतमा लगानी गर्न चाहेको बताएका हुन् । अर्बपति गेट्सले अरुका लागि त्यसले कति फाइदा गराउँछ भन्ने आधारमा आफूले लगानी नगर्ने गरेको बताए ।
यसअघिको एक अन्र्तवार्तामा उनले टेस्लाका मालिक एलन मस्कको ‘क्रिप्टोकरेन्सी’ प्रतिको बढ्दो उत्साहबारे पनि छलफल गरेका हुन् । ब्लुमबर्गसँग उनले भनेका हुन्, “बिटकोइनबारे मेरो सोचाइ भनेको यदि तपाईँसँग एलन मस्क भन्दा कम पैसा छ भने तपाईँले यसमा सावधान हुनुपर्ने हुन्छ । एलनसँग एकदमै धेरै पैसा छ र उनी विवेकी छन् त्यसैले मलाई उनको बिटकोइन जथाभावी माथि तल जान सक्ला भन्नेमा मलाई कुनै चिन्ता छैन । ”
टेस्लाले बिटकोइनमा १.५ अर्ब डलर लगानी गर्ने घोषणा गर्नासाथै यसको शेयर मूल्य ५० प्रतिशतले वृद्धि भएको थियो तर पछि फेरि २० प्रतिशतले घटेको हो ।
बिल गेट्सले बिटकोइनबारे पहिले नै शंका व्यक्त गर्दै आएका छन् । २०१८ को एक अन्र्तवार्तामा उनले ‘यो मेरा लागि होइन’ भनेका थिए ।