विशेष
काठमाडौं । कुवेत सरकारले भिसा अवधि पुनः तीन महिना थप गरेको छ । यसअघि पनि कोरोना भाइरसको विषम परिस्थितिका कारण १ मार्च यता भिसा समाप्त भइ कुवेतमा रहेकाहरूका लागि कुवेत सरकारले ३१ अगष्टसम्मको लागि भिसा अवधि थप गरेको थियो ।
हालसम्म नेपाललगायत विभिन्न मुलुकहरूमा अन्तर्राष्ट्रिय हवाई उडानहरू (चाटर्ड उडान बाहेक) सञ्चालनमा नआएको र पहिले थप गरिएको ३ महिनाको अवधि समेत समाप्त हुन लागेकोले पुनः भिसा अवधि थपेको कुवेतमा रहेको नेपाली दूतावासले जनाएको छ ।
कुवेत सरकारको आन्तरिक मन्त्रालयले अगष्त ३१ सम्म थप गरिएको भिसा अवधिलाई पुनः ३ महिना थप गरी ३० नोभेम्बर सम्म पुर्याउने निर्णय गरेको हो ।
प्रकाशित मिति: आइतबार, भदौ १४, २०७७ २१:३५
प्रतिक्रिया दिनुहोस्