काठमाडौं । हालसम्म विश्‍वाका २१३ देशका दुई करोड २५ लाख ५० हजार ६१ जनामा कोरोना भाइरसको संक्रमण फैलिएको छ । जसमध्ये सात लाख ९१ हजार ७१२ जनाको कोरोना संक्रमबाट मृत्यु भएको छ भने एक करोड ३७ लाख २९ हजारभन्दा बढी कोरोना संक्रमणमुक्त भएका छन् । 

मलेसियालगायत  खाडीका ६ देशमा कोरोना संक्रमित संख्या सात ७ लाख नाघेको छ । यी देशमा अहिलेसम्म सात लाख तीन हजार ८२  जनामा कोरोना संक्रमण भएको छ । यी देशमा कोरोनाका कारण मृत्यु हुनेको संख्या ५ हजार ४८६ रहेको छ ।

कोरोना भाइरसको महामारीपछि गत जेठबाट सरकारले विदेशमा समस्यामा परेका नेपालीको उद्धार गरिरहेको छ । अहिलेसम्म विभिन्‍न चाटर्ड उडानमार्फत ३० देशबाट ५१ हजार ९६३ नेपाली स्वदेश आइपुगेको कोभिड–१९ संकट व्यवस्थापन केन्द्र (सीसीएमसी) ले जनाएको छ ।

कोरोनाका कारण अन्तर्राष्ट्रिय उडान बन्द भएपछि विदेशमा समस्यामा परेका श्रमिकको उद्धारका लागि ३३० चार्टर्ड उडानमार्फत उनीहरू नेपाल फर्किएका हुन् । सरकारले विदेशबाट नेपाली नागरिकको उद्धार उडान सोमबारबाट स्थगित गरेको छ । 

मलेसियासहित खाडी मुलुकमा कोरोनाको अवस्था 

कुवेत 

कुवेतमा हालसम्म ७८ हजार १४५ जनामा कोरोना संक्रमण देखिएको छ । त्यहाँ बिहीबारसम्म ५०५ जनाको मृत्यु भएको छ भने ६९ हजार ७७१ जना कोरोना मुक्त भएका छन् । कुवेतबाट अहिले ६ हजार ३२९ जना नेपालीहरु कोरोनाको कारण स्वदेश फर्किएका छन् ।

साउदी अरब

साउदी अरबमा हालसम्म तीन लाख २ हजार ६८६ जनामा कोरोना देखिएको छ भने दुई लाख ७४ हजार ९४ जनालाई कोरोना निको भएको छ । साउदीमा कोरोनाकै कारण ज्यान गुमाउनेको संख्या ३ हजार ५०६ पुगेको छ । हालसम्म साउदीबाट ७ हजार ८१७ जना नेपालीहरु स्वदेश फर्किएका छन् । 

कतार 

कतारमा हालसम्म एक लाख १५ हजार ९५६ जनालाई कोरोना देखिएको छ भने एक लाख २ हजार ६५८ जना कोरोना संक्रमणमुक्त भएका छन् । कोरोनाको कारण कतारमा ज्यान गुमाउनेको संख्या १९३ रहेको छ । हालसम्म कतारबाट कोरोना महामारीपछि ६ हजार नेपालीहरु स्वदेश फर्किएका छन् । 

ओमान 

ओमानामा हालसम्म ८३ हजार ७६९ जनालाई कोरोना देखिएको छ । त्यहाँ १६३ जनामा भने हालसालै कोरोना देखिएको हो । हालसम्म ओमानमा ७८ हजार ३८६ जना कोरोना संक्रमणमुक्त भएका छन् । कोरोनाकै कारण ओमानमा ६०९ जनाले ज्यान गुमाएका छन् । जसमध्ये ६ जनाले हालसालै मात्र ज्यान गुमाएका हुन् । कोरोनाको महामारीपछि ओमानबाट ८११ जना नेपालीहरु स्वदेश फर्किएका छन् । 

यूएई
 
यूएईमा हालसम्म ६५ हजार ३४१ जनामा कोरोना देखिएको छ भने ५८ हजार २२ जनालाई कोरोना निको भएको छ । कोरोनाकै कारण यूएईमा ३६७ जनाले ज्यान गुमाएका छन् । कोरोनाको कारण समस्यामा परेर सबैभन्दा धेरै नेपालीहरु स्वदेश फर्किएको देश यूएई हो । कोरोनाको विश्वव्यापी महामारीपछि १४ हजार ४८१ जना नेपालीहरु स्वदेश फर्किएका छन् ।

बहराइन

बहराइनमा हालसम्म ४७ हजार ९५० जनामा कोरोना देखिएको छ । १७९ जना जनाले कोरोनाको कारण ज्यान गुमाएका छन् । त्यहाँ ४४ हजार २७८ जना कोरोनामुक्त भएका छन् । हालसम्म कोरोनाको कारण समस्यामा परेर ९८० जना नेपालीहरु स्वदेश फर्किएका छन् । 

मलेसिया 

हालसम्म मलेसियामा ९ हजार २३५ जनालाइ कोरोना संक्रमण भएको छ । अहिलेसम्म ८ हजार ९२५ जना कोरोना संक्रमणमुक्त भएका छन् । यस्तै १२५ जनाले कोरोनाको कारण ज्यान गुमाएका छन् । कोरोनाको महामारीपछि ७ हजार ७९५ जना नेपालीहरु स्वदेश फर्किएका छन् ।