काठमाडौं । साउदीमा ज्यान गुमाएका नेपालीका हकवालाले पाउनुपर्ने रकम साउदीको दूतावासले नेपाल पठाएको जनाएको छ । 

उनीहरुले कम्पनीबाट बुझ्‍न बाँकी रहेको तलबभत्ता, सर्भिस लाभांस, जीवनबिमा तथा 'ब्लड मनी' वापत जम्मा भएको साउदी रियाल ७५८,७१६.२५ अर्थात आजको नेपाली रुपैयाँ दुई करोड ४६ लाख ३२ हजार नेपालस्थित कन्सुलर सेवा विभागमा ट्रान्सफर गरिएको दूतावासले एक विज्ञप्तिमार्फत जनाएको छ ।

दुर्घटनामा दोस्रो पक्षको संलग्‍नता भई ज्यान गुमाएका नेपाली नागरिकका हकवालाको तर्फबाट राजदूतावासले साउदी अरबको विभिन्‍न क्षेत्रका अदालतहरुमा गई बहस पैरवी गर्दै आएको र दूतावासले मुद्दा जितेका तर रकम असुल गर्न बाँकी अन्य ६८ जना मृतकका 'ब्लड मनी' वापतको साउदी रियाल करिव ५६,६५,५०० सम्बन्धित पक्षबाट असूल उपर गरी पीडित परिवारलाई उपलब्ध गराउने प्रयास भइरहेको दुतावासले बिज्ञप्तिमा जनाएको छ ।