काठमाडौं । बैंकिङ कसुर मुद्दाका फरार रहेका एकजनालाई प्रहरीले पक्राउ गरेको छ । 

सिन्धुलीको कमलामाई नगरपालिका–१७ घर भइ काठमाडौं महानगरपालिका–३१, शान्तिनगर बस्ने ४३ वर्षीय भुवनबहादुर माझीलाई प्रहरीले पक्राउ गरेको छ । 

उच्च अदालत पाटन ललितपुरको २०७९ भदौ २८ गतेको फैसलाले बैंकिङ कसुर मुद्दामा एक करोड १९ लाख ७३ हजार ६०० रूपैयाँ बिगो तोकिएकोमा फरार रहेका थिए । 

काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरीले काठमाडौंको नयाँबानेश्वरबाट पक्राउ गरेको हो ।