न्यूयोर्क । अमेरिकाको हवाइस्थित विश्वकै सबैभन्दा सक्रिय मानिने ज्वालामुखी पहाड ‘माउना लोआ’बाट ज्वालामुखी विस्फोट भइरहेको छ । झन्डै ४० वर्षपछि पहिलोपटक सो ज्वालामुखी सक्रिय भएको हो ।

स्थानीय सरकारी अधिकारीहरूले पहाडको टुप्पो वरपर मात्र लाभा बगिरहेकाले फेदमा रहेका समुदायहरूलाई खासै कुनै खतरा नरहेको जनाएका छन् । तर, अमेरिकी भौगर्भिग सेवाले भने परिस्थिति कुनै पनि बेला तीव्र गतिमा परिवर्तन हुनसक्ने चेतावनी दिएको छ । 

हवाइको विग टापु र वरपरका जलीय क्षेत्र र त्यहाँका बासिन्दालाई लाभाको खरानी खस्नेबारे सतर्क गराइएको छ । त्यसैगरी ज्वालामुखीको सतर्कता स्तरलाई बढाएर ‘सल्लाह’बाट ‘चेतावनी’मा पु¥याइएको छ । 

यसअघि सन् १९८४ का मार्च र अप्रिलमा माउना लोआ विस्फोट हुँदा लाभा हिलो सहरको पाँच माइल दूरीसम्म बगेको थियो । यो पछिल्लो विस्फोट आइतबार राति यस पहाडको टुप्पो काल्डेराको मोकुआविओविओमा भएको हो । 

ज्वालामुखी विस्फोट हुँदा वरपरका क्षेत्रमा दर्जनौँपटक २.५ रेक्टर स्केलभन्दा शक्तिशाली कम्पन भएको थियो । बीबीसीबाट